本帖最後由 sylam098 於 2017-8-10 20:29 編輯
我同宜家個男朋友拍左4年拖。 頭兩年都好sweet，之後兩年佢去左英國讀master，我地就long d左兩年。 中間我都有飛過兩次去探佢，感情都keep到好好。 我同佢一齊幾年佢都冇帶過我見屋企人，因為佢話想讀晒書先比屋企人知，咁我都一直好相信佢，冇介意過呢件事。 直到佢上兩個月畢業返黎，佢終於都帶左我見屋企人。 佢屋企人都對我好好，好nice。 本來終於等到呢日，我應該高興，但我宜家覺得好煩惱。 因為就係我男朋友返黎之前一個星期，我識左個男仔。 個男仔係法國人，黎香港旅行，因為佢係我個朋友既沙發客，所以有一晚我朋友帶佢一齊去蘭桂坊飲酒我地就識得。 我同男朋友一齊左4年，我絕對冇背叛過佢，就算佢去左外國都冇。 但係，果一晚我就做左對唔住佢既事。 我知道你地會鬧我崇洋、食洋腸.... 我唔會否認我做錯事果晚的確有咁既諗法。 但係之後就唔同... 我之後一個星期晚晚都去左我朋友屋企，同個法國男仔訓覺。 佢真係同我男朋友好唔同。 我男朋友屋企好有錢，所以洗錢好唔節制，有d少爺仔脾氣，份人好大男人，成日都要我服從佢，唔聽仲會郁手打我。 而個法國男仔雖然係法國做水電工，但就好溫柔體貼浪漫，煮飯好好食，好有生活情調，見識好多。 所以慢慢我就好鍾意佢。 但係我地冇一齊到，因為我覺得呢段只係霧水情緣，佢旅行完都要返法國。 之後佢返左法國我地都每日有contact，同埋佢定時定候會自己snapchat比我睇佢做緊咩，好似想令我放心咁。 早幾日佢同我講話佢計畫緊搬黎香港住，因為佢想同我一齊。 我聽到果下勁開心，原來佢對我咁認真。 不過又覺得好對佢唔住，因為佢唔知我有男朋友。 我宜家唔知點算好。 唔知男朋友最近係咪感覺到唔妥，不斷同我提起想結婚，又話好愛我唔可以冇左我，感覺如果繼續同佢一齊，我會有好安穩既將來。 但係我宜家個心真係最愛法國人，我連同男朋友一齊都係咁諗住佢，連做愛果陣都想像自己同緊法國人做。 但同佢一齊既話真係有好多未知既將來，因為我都25歲，唔可以唔考慮呢d實際野。 我知道我好衰，但我覺得真係唔知點算，想尋求d意見。 希望sis可以唔好掛住鬧我，都比d意見我啦！ 麻煩曬！！
| 
發表於 2017-8-9 18:18
樓主
COPYRIGHT 2021 © BEAUTYEXCHANGE. All RIGHTS RESERVED.