{ LIFESTYLE }
08 Aug 2020
宮崎駿經典作品回顧!
你有成為吉卜力女孩的潛質嗎?

早前Netflix 就將宮崎駿過往經典作品上架,相信有唔少係屋企抗疫嘅大家都有再重溫!!不過係多部經典作品入面,都有一個共通點,就係令人印象深刻既女主角,唔單止男仔鐘意,連女仔都一樣咁愛佢地~想成為同吉卜力女孩一樣咁討喜既女生,而你有冇做吉卜力女孩嘅潛質呢?即刻睇下



1. 忠於自己夢想



 《魔女宅急便》琪琪13歲就獨自外出修練成為魔女,仲有立志要成為小說作家既小霞,都係獨立而且擁有夢想既女生,無論旁人潑幾多冷水或者有咩困難都會繼續努力〜雖然結局入面,佢地都未完成理想,但擁有夢想既女孩就係充滿吸引力,相信係動畫佢世界入面佢地一定已經變得非常出色!

2. 奮力守護珍貴的事物





 

《幽靈公主》小桑為守護森林同自己既族群奮戰,而《天空之城》既Shita同樣用一切辦法保護家族既飛行石...吉卜力女孩同其他動畫既女主角唔同,佢地好少係等人救既公主,反而會為自己珍惜既事而勇敢挺身而出!

3. 會照顧別人

《龍貓》嘅小月要照顧妹妹,又要探病左既媽媽,年紀輕輕就學識照顧家人,好犀利呀〜而蘇菲係哈爾屋企同樣都要做家頭細務,更加成為哈爾既心靈依靠,係一等一既暖女!

4. 簡單善良







代表人物:《千與千尋》千尋

好似《千與千尋》嘅千尋無論係對自己既父母、白龍定新相識既無臉男、巨嬰同腐爛神等,都非常樂意幫助,而且並唔係要求咩好處!呢顆善良既心令佢成功救返爸爸媽媽,仲令白龍愛上佢添

5. 相信愛情




宮崎駿係作品入面都表現出愛情既神奇魔力,例如被施咒變成老婆婆既蘇菲因為愛情變返後生,而以小美人魚作原始概念既《崖上的波兒》,亦因波兒簡單純真既愛而令佢可以係地上居住。

YOU MAY ALSO LIKE
News
Feature
Blog
Load more
 
NOTIFICATION